Яңа елга кызыл уылдыкның бер килосы 13 мең сумга кадәр менәргә мөмкин

Бу хакта «Прайм» агентлыгына Синергия университетының икътисадый теория һәм икътисад кафедрасы доценты Татьяна Суворова белдерде.

Икраның кыйммәтләнүе инфляция, шул исәптән кулланучылар инфляциясе, шулай ук банкалар җитештерүгә бәяләр арту аркасында килеп чыга, дип аңлатты эксперт.

Суворова билгеләп үткәнчә, 2024 ел башыннан икрага бәяләр 15% ка арткан, һәм бу әле чик түгел.

Хәзер үк кибетләрдә кызыл уылдыкның бер килограммы 10 мең сумга якынлаша, ә Яңа елга ихтыяҗ артачак кына, бу бәягә тагын 13-15% өстәлергә мөмкин.

Моңа кадәр билгеле булганча, 2024 елның сентябрендә Россиядә кызыл уылдыкны ваклап сату узган елның шул ук чоры белән чагыштырганда 8% ка кимегән. Мәскәүдә  бу сан 14% тәшкил иткән.

Бөтенроссия Балык сәнәгатьчеләре ассоциациясе президенты Герман Зверев хәбәр иткәнчә, 15 октябрьгә сөләйман балыгының тын океан төрләрен тоту 231 мең тонна тәшкил иткән, узган ел белән чагыштырганда 2,6 тапкырга һәм 2022 ел белән чагыштырганда 15% ка кимегән.