Җиңел автомобильләргә бәяләр төшәргә тиеш

Россия Президенты Владимир Путин автомобиль сәнәгатен үстерү мәсьәләләре буенча киңәшмәдә, металлга бәяләр кими, бу илдәге җиңел машиналар бәясенә йогынты ясарга тиеш, дип белдерде, дип хәбәр итә РИА Новости.

Путин билгеләп үткәнчә, җиңел автомобильләр базары аерым игътибарга лаек, чөнки анда тәкъдимнең дефициты һәм бәянең кискен артуы күзәтелә. "Финанс министры фикеренә дә колак салыр идем, бездә чыннан да металлга бәяләр төшә, курс үзгәрде һәм, һичшиксез, бу бәяләрдә чагылыш табарга тиеш", – дип ассызыклады ул.