Игелек кылырга ашыгыйк!

Татарстанның һәрбер кешесе кабатланмас һәм кызыклы #ДобрыеНовостиТатарстан! проектында катнаша ала.

Үзегез, якыннарыгыз кылган изгелекләр, яки сезгә игелек кылучылар турында сез генә түгел башкалар да белергә тиеш. Шуңа күрә арагызда андый олы йөрәкле кешеләр турында Шәһри Казанга да (https://vk.com/id328086605) язып җибәрә аласыз.

5 сентябрьдән 11 сентябрьгә кадәр дәвам итүче "Игелек атнасы"нда мохтаҗлар өчен ярдәм кулы сузып, игелек кылып калырга ашыгыйк. Күп кенә танылган шәхесләр әлеге акциягә кушылды да инде.

Изге гамәлне Instagram һәм "ВКонтакте"да "Татмедиа" акционерлык җәмгыятенең генераль директоры Андрей Кузьмин да куәтләп үз сүзен әйтте.

Акциянең максаты - олы йөрәкле, изге җанлы, игелек кылудан тәм табучы кешеләрне бөтен Татарстанга таныту.