«Имамнар уннан да ким бала алып кайтмасын»

-    Быел Россиядә Гаилә елы. Бу ел бөтен халыклар өчен, әмма татарлар өчен тагын да әһәмиятлерәк. Ни өчен дисәк, соңгы халык исәбен алу вакытында, безнең татар халкы, үкенечкә каршы, артмаган. Ә кайбер халыклар 60-80 процентка арткан. Безнең хәлебез бик авыр. Пәйгамбәребез салләллаһу галйһи вә сәлләм, өйләнешегез, балалар табыгыз, нәселне күбәйтегез, кыямәт көнендә күп булуыгыз белән горурланырмын, дигән. Камил хәзрәткә (Татарстан мөфтие. – Авт.) бер төрле карар чыгарыргамы инде. Мөфтиләр, имамнар өйләнеп, уннан да ким бала алып кайтмасыннар, дигән карар чыгармыйча булмый инде, – диде ул «Милли тормыш һәм дин» бөтенроссия дин әһелләре форумының пленар утырышында.