#Кыскача яңалыклар 07 июнь 2022, 09:38

Ипотеканы 3 процент ставка белән алырга мөмкин

07 июнь 2022, 09:38

Әлеге программа гамәлдә булган вакытта Татарстанның 2,5 меңнән артык гаиләсе торак шартларын яхшырта һәм авыл җирлегендә күчемсез милек сатып ала алды.

Скопировать ссылку

Татарстанда яшәүчеләр тагын ташламалы шартларда авыл җирендә йорт сатып ала йә төзи ала. «Авыл территорияләрен комплекслы үстерү» программасын гамәлгә ашыру кысаларында Россельхозбанк авыл ипотекасы бирә. Бу турыда Татарстан Авыл хуҗалыгы һәм азык-төлек министрлыгы хәбәр итте.

Ташламалы ипотека Россия Федерациясе Авыл хуҗалыгы министрлыгы тарафыннан субсидияләр бирелгәннән соң яңадан торгызылды. Финанс чараларын хәзер хосусый торак төзелешенә яки шәһәр читендә җир кишәрлеге белән йорт сатып алырга тотарга мөмкин.

«Авыл ипотекасы үзенә ихтыяҗ булуын күрсәтте инде. Әлеге программа гамәлдә булган вакытта Татарстанның 2,5 меңнән артык гаиләсе торак шартларын яхшырта һәм авыл җирлегендә күчемсез милек сатып ала алды. Безнең клиентлар арасында беренче үз торагын булдыруга ирешкән яшь гаиләләрнең күп булуы аеруча сөендерә. Ә алар өчен авыл ипотекасының төп өстенлеге ставка процентының түбән булуында», - дип билгеләп үтте Россельхозбанкның Татарстан төбәк филиалы директоры Ләлә Кудерметова.

Авыл ипотекасын еллык 3 процент ставка белән алырга мөмкин, диелә "Татар-информ" хәбәрдә.

Кызыклы яңалыкларны күзәтеп бару өчен безнең МАХ каналына кушылыгыз.