Татарстанда «Ир-ат солтаны»н сайлаганнар

Бәйгедә төрле авыллардан һәм Арчаның үзеннән 44 ир-егет катнашкан, иң өлкәненә 83 яшь булган. Арча ир-атлары бәйгедә осталыкларын күрсәткән, аларның кайсысы саз кондызы асрап, бүрек, яка тегә, кайсысы инкубаторда нәселле каз бәпкәләре чыгара, кайсысы капчыкта гөмбә үстерә, трактор җыя, электр уты белән эшли торган бишек ясый икән. Бәйгедә катнашкан ир-атларның һәркайсын төрле номинацияләрдә бүләкләгәннәр. Аларга дипломнар һәм 1 меңнән 10 мең сумга кадәр сертификатлар тапшырылган.