#Кыскача яңалыклар 08 февраль 2023, 08:24

Җир тетрәү аркасында һәлак булучылар саны 7926га җиткән

08 февраль 2023, 08:24

Төркия һәм Сириядә җир тетрәү нәтиҗәсендә һәлак булучылар саны 7926 кешегә кадәр арткан, тагын 40 меңләп кеше төрле җәрәхәтләр алган.

Скопировать ссылку

Бу хакта CNN телеканалы хәбәр итә.

«Кызганыч, әмма без кабат һәлак булучылар турында сөйләргә мәҗбүрбез. Аларның саны артты. 5894 кеше һәлак булды. 34 810 кеше зыян күрде. Җимерелгән биналар саны үзгәрмәде (5 775 )», -дип белдерде Төркия вице-президенты Фуат Октай.

Сириядә һәлак булучылар саны 1250 һәм зыян күрүчеләр саны 2054 кә җиткән. Бу хакта илнең сәламәтлек саклау министры Хәсән Мөхәммәд Әл-Габаш хәбәр иткән. Моңа кадәр SANA дәүләт агентлыгы 812 кешенең үлүе турында белдергән иде.

Чыганак - "Татар-информ"

Кызыклы яңалыкларны күзәтеп бару өчен безнең МАХ каналына кушылыгыз.