Юл буйлап чәчелгән: коточкыч юл-транспорт һәлакәтендә ике шофер һәлак булган

8 сентябрь көнне төнге сәгать икеләр тирәсендә Алабуга районында, М-7 «Волга» автоюлының өченче чакрымында Ижевсктан Чаллыга баручы юлда үлемгә китергән юл-транспорт һәлакәте булган.

Татарстан Дәүләт автоинспекциясенең беренчел мәгълүматлары буенча, 43 яшьлек Volvo йөк машинасы йөртүчесе каршы як полосага чыгып, 24 яшьлек ир-ат идарәсендәге «Газель»гә бәрелә. Ике шофер да урында ук үлә. Ике машинадан бары тимер өеме генә калган.
Тикшерү бара.