Кәгазь квитанцияләрдән баш тартырга уйлыйлар

Россиянең бөтен территориясендә торак-коммуналь хезмәтләр өчен электрон түләүләр кертү күздә тотыла, шуңа күрә халык кәгазь счетлардан файдаланудан гариза язып баш тарта алачак. 

Билгеләп үтелгәнчә, тиешле закон проектын Краснодар краеннан "Бердәм Россия" депутатлары әзерләгән. Ә Дәүләт Думасының гражданнарның торак хокукларын тәэмин итү комиссиясе белән төзелеш һәм торак-коммуналь хуҗалык буенча профиль комитеты аны хуплаган.