Каһвә яратучылар өчен күңелсез яңалык

Арабика сортлы каһвәнең биржа бәяләре 1977 елдан рекордка җиткән. Әйтик, әлеге сорттагы кофеның биржа бәясе соңгы 12 айда 80 процентка, ә робуста сортына ике тапкырдан күбрәккә арткан!

Уңышның начар булуыннан тыш, кофе кыйммәтләнүенең тагын берничә сәбәбе бар: каһвәгә ихтыяҗ тәкъдимнән артып китә, Бразилия һәм Вьетнамда каһвәнең яңа уңышына фаразлар һава шартлары аркасында оптимистик түгел, ә тискәре фонда биржа спекулянтлары уйнарга ярата. Шулай ук covid-19 пандемиясе вакытында ук башланган глобаль инфляция дә йогынты ясый, ул кофе үстерү, китерү һәм җитештерүнең үзкыйммәте үсешенә китерә, дип саный "Росчайкофе" ассоциациясе генераль директоры Рамаз Чантурия.