#Кыскача яңалыклар 02 сентября 2022, 08:55

Камал театры артистлары Казан ишегалдында спектакль куячак

02 сентября 2022, 08:55

4 сентябрьдә Казанда «Безнең ишегалды: тарих һәм хәзерге заман» дигән чара узачак.

Скопировать ссылку

4 сентябрьдә Казанда «Безнең ишегалды: тарих һәм хәзерге заман» дигән чара узачак.

Подлужная урамы, 40 нчы һәм Толстой урамы, 18 нче номерлы йортларда яшәүчеләр өчен мәдәни программа – курчак спектакле, картиналар вернисажы һәм Г.Камал исемендәге театр оркестры чыгышы оештырылачак.

Ишегалды бәйрәме 11:00 сәгатьтә башлана, дип яза kzn.ru. Г.Камал исемендәге театр артистлары һәм музыкантлары Нәкый Исәнбәтнең «Гөлҗамал. Чакыру» пьесасы буенча спектакльдән фрагмент күрсәтәчәк.

Көн дәвамында казанлыларга Бөек Ватан Сугышы герое Габделхак Умеркин, рәссамнар Василий Гурьянов һәм Андрей Архиреев, Андрей Лошадкин китабы, шулай ук башка танылган кешеләр турында сөйләячәкләр.

Моннан тыш, мәйданчыкта «Фабрика» театрыннан импровизацияләнгән курчак спектакле, «Йорт артында» дип аталган картиналар вернисажы тәкъдим ителәчәк. Шулай ук бәйрәм вакытында ишегалдында «Сузылган җеп» акциясе узачак, анда шәһәргә багышланган фотосурәтләр, рәсемнәр күрсәтеләчәк. Ретроавтомобильләр музее директоры, туган якны өйрәнүче Риф Яруллин барлык теләүчеләргә янәшә тирәдәге территория буенча тарихи сәяхәт үткәрәчәк.

Чарага керү ирекле, дип хәбәр итә ТР Мәдәният министрлыгының матбугат хезмәте.

Кызыклы яңалыкларны күзәтеп бару өчен Телеграм-каналга кушылыгыз.