Камал театры коллективы артистларын искә ала

6 сентябрьдә 14.00 сәгатьтә Кайбыч районы Мәдәният йортында Татарстанның халык артисткасы Галия Кайбицкаяның тууына 110 ел тулуга багышланган кичә уза. Россия­нең һәм Татарстанның халык артисты Әзһәр Шакиров артист хакындагы истәлекләре белән уртаклашачак. Шулай ук кичәдә Россиянең атказанган, Татарстанның халык артисты Илдус Әхмәтҗанов, Татарстанның халык артистлары Фирая Әкбәрова, Фоат Әбүбәкеров, Татарстанның атказанган артистлары Илсөя Төхфәтуллина һәм Әхмәт Кәримов, Гөлчәчәк Гайфетдинова, Динә Закирова катнаша.

7 сентябрьдә 18.00 сәгатьтә Мөслим районы Мәдәният йортында Россиянең атказанган, Татарстанның халык артисты Наил Әюповны искә алалар. Кичәдә Татарстанның халык артистлары Хәлим Җәләлов һәм Луара Шакирҗанова әлеге талантлы артист хакындагы истәлекләре белән бүлешәчәк. Шулай ук әлеге чарада Россиянең атказанган, Татарстанның халык артисты Илдус Әхмәтҗанов, Татарстанның халык артистлары Фирая Әкбәрова, Әсхәт Хисмәтов, Фоат Әбүбәкеров, Татарстанның атказанган артисты Әхмәт Кәримов һәм Динә Закирова катнаша. Алар башкаруында шигырьләр, җыр­лар яңгыраячак.