«Казан утлары» бәйгесенең җиңүчеләре билгеле

Яңа ел алдыннан башланган, шәһәрне бәйрәмчә матур итеп бизәү максатыннан оештырылган «Казан утлары» бәйгесенә нәтиҗә ясалды. Әлеге бәйгедә башкала халкы һәм эшмәкәрлек берләшмәләре вәкилләре катнашты. Барлыгы 500 меңнән артык тавыш бирелгән. «Иң яхшы фасад» номинациясендә «Сбербанк», «Татсоцбанк» биналары, Кооператив институты җиңү яулады. «Иң яхшы холл» номинациясендә - «Fix», «Fun 24» компанияләре, «Метро кэш энд керри» сәүдә үзәге беренчелектә. Химиклар мәдәният сарае янындагы яңа ел ярминкәсе, 129 нчы номерлы мәктәп янындагы ишегалды - "Иң яхшы ишегалды" номинациясендә җиңүче булды.