Казанда “Авыл кызы” II Бөтенроссия конкурсының финал туры узачак

20 март көнне 19.00 сәгатьтә Кәрим Тинчурин исемендәге Татар дәүләт драма һәм комедия театрында "Авыл кызы" II Бөтенроссия конкурсының финал туры уздырыла. Чарада Киров, Әстерхан, Екатеринбург, Пенза, Киров, Оренбург, Түбән Новгород, Ульяновск өлкәләре, Башкортстан, Чувашия Республикалары кызлары катнашачак.

23 март көнне исә Галиасгар Камал исемендәге Татар дәүләт академия театры сәхнәсендә "Татар кызы-2015" һәм "Татар егете - 2015" Казан шәһәре конкурсының финалы була. Конкурс укучылар игътибарын татар халкының мәдәни байлыкларына җәлеп итү, милли үзаңны үстерү, сәләтле яшьләрне барлау һәм тәрбияви максатлардан үткәрелә. Бәйгедә югары сыйныф укучылары көч сынаша. Алар татар телен, милли гореф-гадәтләрне, татар халкының тарихын һәм сәнгатен белергә тиеш. Шәһәр турында барысы җиде егет һәм җиде кыз катнаша.