Казанда Бәхетле балачак музее ачыла

Казанда мәктәп укучыларының язгы каникул көннәрендә Россиядәге бердәнбер Бәхетле балачак музее ачылачак. Ул Бауман урамы янындагы ХIХ гасыр йорты бинасында урнашачак.

Экспозициянең төп темасы - балачак еллары. Экспонатларның төп өлешен Алексей Кортнев, Сергей Шнуров, Иосиф Кобзон, Сергей Лазарев, Даниил Крамер, Сергей Когогин һәм башка танылган кешеләрнең бүләкләре алып тора. Үз вакытларында алар Казанга бүләк итеп уенчыклар, балалар өчен музыкаль инструментлар, мәктәп тормышыннан автографлы предметлар калдырган булган, дип хәбәр итә Казанның Социаль-көнкүреш музее.