Казанда III Татар шигъри слэмы уздырыла

22 февраль көнне сәгать 16.30да Казанда Каюм Насыйри урамының 5 нче йортында III Татар шигъри слэмын уздыру ниятләнә. Бу слэм 21 февраль - Халыкара туган тел көненә багышлап уздырыла, керү - бушлай. Чараны Фәнис Җиһанша һәм Энҗе Әхмәтҗанова алып барасы билгеле. Слэм - шигъри көч сынашуның популяр форматы. Монда шигырләрнең эчтәлеге түгел, ә аларны башкару рәвеше дә зур роль уйный. Моңа кадәр үткәрелгән шундый иҗади ярышларның җиңүчеләре булып Рүзәл Әхмәдиев (2013 ел), Лилия Сәләхетдинова (2014 ел) танылган иде.