#Кыскача яңалыклар 27 октябрь 2015, 14:14

Казанда Илһам Шакиров белән Әлфия Авзалова агачлары утыртыла

27 октябрь 2015, 14:14

2015 елның 30 октябрендә 11 сәгатьтә Филармония янындагы паркта (Казан, Павлюхин урамы 73 йорт) Россиянең һәм Татарстанның халык артисты, Г.Тукай премиясе лауреаты Илһам ага Шакиров һәм Россиянең атказанган, Татарстанның халык артисты, Г.Тукай премиясе лауреаты Әлфия апа Авзалова исеменнән агачлар утыртылачак.

Скопировать ссылку

Әлеге чара Татар дәүләт филармониясенә Г. Тукай исеме бирелүгә 70 ел тулуга багышлана һәм татар халкының мәшһүр шәхесләренең исемнәрен мәңгеләштерү максатын да күздә тота. Чарада Татарстанның мәдәният һәм урман хуҗалыгы министрлыклары вәкилләре, филармония коллективы, "Илһамият" клубына берләшкән сәхнә ветераннары катнашачак.

Кызыклы яңалыкларны күзәтеп бару өчен Т елеграмга кушылыгыз.