#Кыскача яңалыклар 11 июль 2024, 15:17

Казанда контракт буенча хезмәт итүчеләргә шәһәр түләүләрен 300 мең сумга кадәр арттырырга кушылды

11 июль 2024, 15:17

Казан мэры Илсур Метшин контракт буенча килешү төзегән кешеләргә шәһәр түләүләрен 300 мең сумга кадәр арттырырга кушты.

Скопировать ссылку

Шәһәр башлыгы кушуы буенча, Россия Федерациясе Кораллы көчләрендә хезмәт итүгә контракт төзегәндә Татарстан Республикасы башкаласында 300 мең сум күләмендә бер тапкыр бирелә торган түләү каралган. 31 июльгә кадәр контракт төзүчеләр өчен түләүләрнең гомуми суммасы 1,5 миллион сум тәшкил итәчәк. Бу хакта мэриянең матбугат хезмәтендә хәбәр иттеләр.

Махсус хәрби операция зонасында хезмәт итү турында контракт төзегән гражданнарга РФ Оборона министрлыгыннан 195 мең сум, Казан муниципалитетыннан 300 мең сум һәм төбәктән 1,005 млн сум акча түләү каралган.

Акчалата тәэмин итү хәрби дәрәҗәгә һәм вазифага ярашлы билгеләнәчәк. Хәрбиләргә шулай ук социаль ташламалар һәм гарантияләр дә бирелә.

РФ Кораллы көчләрендә контракт буенча хезмәт итү, шулай ук премияләр, ташламалар һәм түләүләр хакында тулырак heroes-tatarstan.ru сайтында белергә була.

РФ Саклану министрлыгы белән контрактны республиканың теләсә кайсы шәһәре яки районында төзергә мөмкин. Моның өчен 8 (800) 222-59-00 (Татарстан һәм Россия Федерациясенең башка төбәкләрендә яшәүчеләр өчен), 117 (ТРда яшәүчеләр өчен) телефоннары буенча гариза калдырырга, хәрби комиссариат яки сайлап алу пунктына килергә кирәк.

Кызыклы яңалыкларны күзәтеп бару өчен безнең МАХ каналына кушылыгыз.