Казанда швед киноларын күрсәтәчәкләр

16-22 апрель көннәрендә Казанның "Мир" кинотеатрында "Швед дивары" кинофестивале ачыла. Кинокартиналар Тататрстанда Швеция көннәре программасы кысаларында күрсәтелә. Фестиваль көннәрендә тамашачыларга "За голубыми небесами", "Девочка по вызову", "Встреча выпускников", "Отель", "Не лейте слез", "Стокгольмские истории", "Эго", "Ледяной дракон" кебек заманча швед картиналары тәкъдим ителәчәк. Фильмнар швед телендә, рус субтитрлары белән күрсәтелә. Фестиваль ачылу көнендә керү - ирекле, ә калган көннәрдә билет бәяләре 100 сум булачак.