Казанда туып-үскән Валерий Герасимов махсус хәрби операциядә яңа командующий итеп билгеләнгән
Россия Оборона министрлыгында махсус хәрби операция җитәкчелегендә кадрлар үзгәреше булды. Оборона министрлыгы башлыгы Сергей Шойгу карары буенча Казанда туып-үскән Валерий Герасимов Берләшкән гаскәрләр төркеменә яңа командир итеп билгеләнгән.
Россия Оборона министрлыгында махсус хәрби операция җитәкчелегендә кадрлар үзгәреше булды. Оборона министрлыгы башлыгы Сергей Шойгу карары буенча Казанда туып-үскән Валерий Герасимов Берләшкән гаскәрләр төркеменә яңа командир итеп билгеләнгән.
Генераль штаб начальнигы армия генералы Валерий Герасимов Казанда 1955 елның 8 сентябрендә туган. Казан суворов хәрби училищесын (1971-1973), Казан югары танк команда училищесын, Малиновский исемендәге бронетанк гаскәрләре Хәрби академиясен (1984-1987) һәм Россия Кораллы Көчләре Генераль штабының Хәрби академиясен (1995-1997) тәмамлаган. 2012 елның ноябрендә Генераль штаб начальнигы итеп билгеләнгән.
Герасимов урынбасарлары итеп генерал Сергей Суровиков, коры җир гаскәрләре главкомы Олег Салюков һәм Генераль штаб башлыгы урынбасары генерал-полковник Алексей Ким билгеләнде.
Фото: http://www.kremlin.ru
Комментарийлар