#Кыскача яңалыклар 25 февраль 2015, 05:15

Казанда «Укырга һәм бергә яшәргә: инклюзиянең ачык киңлекләре» Бөтенроссия форумы үтәчәк

25 февраль 2015, 05:15

Скопировать ссылку

26нчы февральдән алып 28 нә кадәр Казанда «Укырга һәм бергә яшәргә: инклюзиянең ачык киңлекләре» Бөтенроссия форумы үтәчәк. Әлеге чарада 300дән артык галим, педагоглар, дефектологлар, психологлар, иҗтимагый берләшмәләрдән вәкилләр, Россиянең төрле өлкәләреннән килгән сәламәтлек буенча мөмкинлекләре чикләнгән кешеләр катнашачак.

Форум кунаклары инклюзив белем бирүдә кулланылучы алдынгы технологияләр турында фикер алышачаклар,гадәти мәктәпләрдә сәламәтлек буенча мөмкинлекләре чикләнгән балаларның адаптация үзенчәлекләре турында сөйләшәчәкләр. Шулай ук мастер-классларда,түгәрәк өстәлләрдә катнашырга мөмкин булачак, дип хәбәр итә Татарстан Республикасы Мәгариф һәм фән министрлыгының матбугат хезмәте.