Казанда янгын нәтиҗәсендә бер кеше һәлак булган һәм ике кеше зыян күргән

Россия Гадәттән тыш хәлләр министрлыгының ТР буенча Баш идарәсендә хәбәр итүләренчә, янгын турында мәгълүмат кичә кич белән “101” янгын сүндерү номерына килгән.

Урынга килгән коткаручылар утның 10 нчы катта ике пенсионер яшәүче фатирда чыгуын ачыклаган. Бер кешене сулыш аппараты ярдәмендә урамга алып чыгып коткаралар, ике зыян күрүчене табиблар кулына тапшырганнар. Кызганычка каршы, бер кешене коткарып булмаган, диелә ведомство хәбәрендә.