#Кыскача яңалыклар 28 июнь 2016, 10:45

Казандагы төп Ураза гаетен уздыру урыныны һәм вакыты билгеле булды

28 июнь 2016, 10:45

Татарстан Президентының "2016 елда Ураза бәйрәме һәм Корбан бәйрәме көннәрен билгеләү турында"гы указы белән 5 июль көнне Ураза гаете билгеләп үтелә.

Скопировать ссылку

Россия Федерациясе Хезмәт Кодексының 95нче маддәсе буенча бәйрәм алды көнне яки 4 июльдә эш көне яки смена 1 сәгатькә кыскартыла. Шулай итеп, 2016 елның 5 июле - эш көне булмаган бәйрәм көне.

Ураза гаете көнне Татарстанның барлык мәчетләрендә бәйрәм намазлары укыла. Бәйрәм вәгазе 6:30 сәгатьтә, 7:00дә гает намазы укыла. Казандагы төп бәйрәм чарасы Галиев мәчетендә була. Ул Татарстан мөфтие Камил хәзрәт Сәмигуллин катнашында уза.

Мәчетләргә барырга мөмкинлеге булмаганнар Ураза гаетен "Татарстан - Яңа гасыр" телеканалыннан карый ала, ул турыдан-туры трансляцияләнәчәк.