Казанга метеорит «төшәчәк»

Татарстанның Табигый тарих музеенда иртәгә 28 май көнне метеоритка багышланган күргәзмә ачылачак. «Космос илчеләре» дип исемләнгән күргәзмәдә төп экспонат - Марат Әхмәтвәлиев фотолары. Ул 2013 елда Уралда булган хәлләрне - Чиләбедә метеорит төшүне үз күзләре белән күргән. Барысын да фотога төшергән. Хәзер исә шул фотоларны күргәзмәдә тәкъдим итә. Биредә фотолардан тыш әлеге метеоритның бер кисәген дә күрергә мөмкин булачак, шулай ук Айда, Марста очрый торган метеоритларның 170тән артык төре тәкъдим ителәчәк.