Казанга юл тотучы автобус юл һәлакәтенә очраган. Һәлак булучылар да бар

Автобусның ике пассажиры һәлак булган.

Волгоград янындагы трассада «КамАЗ» һәм микроавтобус бәрелешкән. Җәмәгать транспорты Дагыстаннан Казанга юл тоткан. Бу хакта Россия Эчке эшләр министрлыгының Волгоград өлкәсе буенча Баш идарәсе матбугат хезмәте хәбәр итә.

Авария 23 декабрьдә 02:50 сәгатьтә Дубов районында килеп чыккан. Микроавтобус «КАМАЗ» белән бәрелешкән. Микроавтобуста булган ике пассажир һәлакәт урынында ук үлгән. Моннан тыш, тагын дүрт пассажир төрле дәрәҗәдәге тән җәрәхәтләре алган, алар арасында 7 яшьлек бала да бар.

Микроавтобус Дагыстаннан Казанга юл тоткан. Пассажирларны ташу юлдашларны эзләү системасы буенча башкарылган, дип аныклый ТАСС.