#Кыскача яңалыклар 19 декабрь 2016, 12:22

Казаннан Ашхабадка авиарейс ачыла

19 декабрь 2016, 12:22

Татарстанның транспорт һәм юл хуҗалыгы министры урынбасары вазифасын вакытлыча башкаручы Алексей Сидоров фикеренчә, беренче чиратта әлеге рейс эшлекле сәфәрләр өчен кулай булачак.

Скопировать ссылку

Бу - туристлар өчен дә яңа мөмкинлекләр ача. Казан - Ашхабад һәм Ашхабад - Казан маршрутларын Төрекмәнстанның Turkmenistan Airlines дәүләт авиакомпаниясе башкарачак. Төркмәнстанга сәфәр кылырга теләүчеләргә Boeing 737-800 очкычлары хезмәт күрсәтер дип көтелә. Авиакомпания Германия, Таиланд, Һиндстан, Бөекбритания, Казахстан һәм Россия кебек илләргә рейслар ясый. Шунысы мәгълүм, Ашхабад белән моңа кадәр Россиянең бары ике шәһәре - Мәскәү һәм Санкт-Петербург арасында гына мондый "күпер" бар иде. Хәзер аларга Казан да өстәлде.

Тагын бер күңелле яңалык - очкычлар Ашхабадның яңа ачылган аэропортыннан китә һәм шунда ук төшә. Билет бәяләре 11 мең сумнан башлана.