Казанның Авиатөзелеш районында “Кырым утраулары” барлыкка киләчәк

Казанның Авиатөзелеш районында "Җиде утрау" дигән күпфатирлы торак комплекс төзелеше башланган, аларның беренчесе "Кырым утраулары" дип аталачак. Үзенең социаль инфраструктурасы белән беррәттән, торак комплекс территориясендә парк ясалачак - 3,5 га мәйданлы җәяүлеләр бульвары булдырылачак.

"Җиде утрау" торак комплексында ике автомобиль паркингы, спорт һәм балалар мәйданчыклары, кибет һәм офислар, ял итү өчен махсус зоналар булачак.

Проектны тормышка ашырган вакытта төзекләндерүгә зур игътибар биреләчәк. Территориядә шәһәр практикасында беренче тапкыр парк булдыру - торак комплексның үзенчәлеге булып тора.