Казанның башкарма комитет җитәкчесе Денис Калинкин “Адмирал”да зыян күргән эшмәкәрләр белән очрашты

Казанның башкарма комитет җитәкчесе Денис Калинкин "Адмирал"да зыян күргән эшмәкәрләр белән очрашты. Аның әйтүенчә, Яңа Савин, Мәскәү, Үзәк базарлар, "Яңа Тура" технопаркы - барлыгы 22 сәүдә үзәге һәм базары аларга яңа эш урыннары тәкъдим итәргә әзер. Денис Калинкин шулай ук аренда өчен түләүләрне кичектерү турында сөйләшүләр барганлыгын да хәбәр итте. Эшмәкәрләрнең берсе, Татарстан җитәкчелегенә мөрәҗәгать итеп, барлык зыян күргәннәргә "Яңа Тура"ның өченче павильонында эш урыннарын берничә айга ташлама белән тәкъдим итүләрен сорады. Шулай ук эшкуарларга матди ярдәм күрсәтү өчен хәйрия фонды ачу тәкъдиме яңгырады.