Коры үләннән котылырга теләп, ярты авылны яндырган

Пермь краеның Горки бистәсендә 73 яшьлек әби коры үләннәрне яндырган, ут бик зур тизлек белән һәм зур мәйданнарга таралган.

Җиде йорт янып юкка чыккан. Бу хакта Гадәттән тыш хәлләр министрлыгының төбәк Баш идарәсе матбугат хезмәте хәбәр итә.

Башта әбинең үзенең йортына ут капкан, аннары ул күрше йортларга күчкән, 16 кеше түбәсез калган. Алар арасында-  өчесе пенсионер. Бәхеткә, беркем дә зыян күрмәгән.

Килгән зыян 3 миллион сумга якын дип бәяләнә.

Янгын факты буенча тикшерү үткәрелә.