Кремльдә Путинның ялы турындагы сорауга җавап бирделәр

Россия Президенты Владимир Путин әлегә ял алырга җыенмый. Бу хакта Кремльнең рәсми вәкиле Дмитрий Песков ТАССка биргән интервьюсында хәбәр итте.
"Юк, әлегә бу хакта сүз бармый", – дип белдерде дәүләт башлыгы матбугат сәркатибе, аның ялы турындагы сорауга җавап биреп.
Элегрәк Песков Путинның май бәйрәмнәре вакытында эшләвен сөйләгән иде. Аның сүзләренчә, ул вакытта дәүләт башлыгы берничә очрашу уздырган.
Узган җәйдә Путинның шулай ук тулы ялы булмаган.