Күп балалы гаиләләрнең статусы сроксыз билгеләнә

Исегезгә төшерәбез, президент күп балалы гаиләләрнең статусын сроксыз итәргә кушты. Бөтен ил буенча таныклыкның бердәм форматы булачак. Хәзер таныклык бланкы эшләнә.

Шулай ук Россия Президенты Владимир Путин карары нигезендә социаль ярдәм чаралары өлкән балага 18 яшь тулганчы гамәлдә булачак. Бала мәктәпне тәмамлаганнан соң укуын көндезге формада дәвам итсә, гарантияләр 23 яшькә кадәр, ягъни уку йортын тәмамлаганчы үз көчендә кала.