Курьерга 16, ә машина йөртүчегә 21 яшь. Кая ашыгалар?

Егет юл-транспорт һәлакәте урынында, ягьни җәяүлеләр кичүендә һәлак булган.

Әлеге фаҗига 22 июль көнне Казанның Гвардейская урамында килеп чыккан. 21 яшьлек самосвал йөртүчесе электр самокатында хәрәкәт иткән 16 яшьлек егетне бәрдергән. 

Дәүләт автоинспекциясе мәгълүматы буенча, һәлакәт йөк машинасы йөртүчесе борылыш ясаган вакытта килеп чыккан. Электр самокатында җилдергән 16 яшьлек егет җәяүлеләр кичүе аша юлны аркылы чыгарга тырышкан. Самосвал йөртүчесе курьерны күрмәве турында белдергән.
Хәзерге вакытта вакыйганың сәбәпләрен тикшерү алып барыла. 

Социаль челтәрләрдән кулланучылар бу фаҗига турында үз фикерләрен белдергән.