Кышкы каникулларда Татарстан лагерьларында 6 меңгә якын бала ял итәчәк

Бу хакта матбугат конференциясендә республика вице-премьеры Ләйлә Фазлыева хәбәр итте.

- 1 гыйнвардан 8 гыйнварга кадәр лагерьлар эшли. 89 лагерь эшләячәк һәм аларда 6 меңгә якын бала ял итәргә җыена. Гаризалар хәзер мәктәп яны лагерьларында туплана, - диде ул.

Гыйнвар башында лагерьларда ял итәргә планлаштыручылар арасында махсус хәрби операциядә катнашучы гаиләләрдән 91 бала бар, дип төгәлләде үз сүзен Ләйлә Фазлыева.