Мамадыш аша көчле давыл узган

Россия Эчке эшләр министрлыгының район бүлеге каршындагы, пожарка дип аталучы бинаның түбәсен алып, аның каршында тезелешеп торган машиналар өстенә каплады. Нәтиҗәдә, дистәгә якын җиңел машинага да зыян килде.

Көчле давылдан зыян күргән биналар шәһәребезнең Ушма аръягында да, авылларда да бар. Килгән зыяннар ачыклана. Шәһәребездә һәм авылларда тамырлары белән йолкып алынган, сындырылган агачлар да бар, дип яза mamadysh-rt.ru

Шунысын да искәртик, Гадәттән тыш хәлләр министрлыгы бүген бар кешенең телефонына шторм кисәтүе дә җибәрде. Көчле җил иртәгә дә булыр дип көтелә.

Сак булыгыз!