Мартта Казан–Санкт-Петербург юнәлешендә авиарейслар ачыла

Очышларны атнасына 6 тапкыр "Нордавиа - төбәк авиалинияләре" авиакомпаниясе башкара. Авиабилетларны сату эшләре инде башланган, дип хәбәр итә Казан мэриясе порталы.

Авиакомпаниянең җәйге җәдвәлендә шулай ук Казан-Сочи юнәлеше дә саклана. Әлеге маршрут буенча ресйларны "Нордавиа" кышкы чорда да башкарды. Очышлар 10-нчы июньнән 30-нчы сентябрьгә кадәр сишәмбе һәм шимбә көннәрендә башкарылачак. Тулырак мәгъләматны +7 800 200 00 55 мәгълүмати-белешмә хезмәте телефонына шалтыратып белергә мөмкин.