Маймыл чәчәгеннән вакцина бармы һәм россиялеләрне бу вирустан нәрсә саклаячак?

Маймыл чәчәге - сирәк инфекция. Моңа кадәр ул күбрәк Үзәк һәм Көнбатыш  Африка илләрендә генә ачыклана торган булган. Әмма соңгы вакытта авыру башка илләрдә дә очрый башлады. Шул исәптән, Европа илләрендә дә. 
Россиягә маймыл чәчәге кермәсен өчен барлык чаралар да күрелә, ди Малышев әфәнде. 
"Чикләрдә санитар-контроль пунктлар эшли. Аларда әлеге авыру ачыкланган илләрдән кайтучыларга зур игътибар бирелә. Бәхеткә, авыру үтеп кергән илләрдән Россиягә туры рейслар юк. Ягъни, турыдан-туры контактлар юк",- ди Николай Малышев. 
Вирустан россиялеләргә өстәмә саклану әлегә таләп ителми, әмма уяу булу комачау итмәс, дип киңәш итә табиб, дип яза "РИА Новости". 
"Маймыл чәчәге очрагында кисешә торган иммунитет эшли. Ягъни натураль чәчәктән ясалган вакцина кисешү принцибы буенча тәэсир итә. 1980 елдагы Олимпиададан соң вакцина ясауны туктаттылар. Аңа кадәр прививка ясатканнарның иммунитетлары бар",- дип аңлаткан Николай Малышев.