#Кыскача яңалыклар 23 декабрь 2022, 12:30

Минтимер Шәймиев: "Безгә федераль үзәк белән уртак фикергә килергә кирәк"

23 декабрь 2022, 12:30

Татарстан Дәүләт Киңәшчесе Минтимер Шәймиев Татарстан Дәүләт Советының утыз тугызынчы утырышында каралган Татарстан Конституциясенә үзгәрешләр кертү турындагы закон проектына карата үзенең фикерен белдереп, “Глава Татарстана – Татарстан Рәисе” вариантын хуплавын әйтте.

Скопировать ссылку

– Мәсьәлә гади түгел. Күңелдән чыккан чыгышлар булды. Хәзерге вазгыятьтә бердәмлек таләп ителә. Илнең бердәмлеге төп мәсьәлә. Шул факторны истә тотарга кирәк. “Глава Татарстана – Татарстан Рәисе” атамасы туры килә, дәрәҗәсе кимеми. Әмма безнең халык сайлаган Президент бар. Аңа шушы вазифада эшләп бетерергә мөмкинлек бирергә кирәк. Халык сайлагач, кабат рефрендум яки сайлаулар үткәрә алмыйбыз бит. Ике телне белгән кеше буларак, “глава – рәис” туры килә. Безгә федераль үзәк белән уртак фикергә килергә тиеш, - диде ул.

Кызыклы яңалыкларны күзәтеп бару өчен Т елеграмга кушылыгыз.