#Кыскача яңалыклар 04 апрель 2017, 07:43

Мәктәпләрдә кабат астрономия фәне укытыла башлый

04 апрель 2017, 07:43

Быелдан башлап мәктәп программасына астрономия кертеләчәк, яңа фәнне физика укытучылары алып барачак, аңа өстәмә сәгатьләр бүленмәячәк, дип җиткергән дүшәмбе көнне Россия мәгариф һәм фән министры Ольга Васильева.

Скопировать ссылку

Бу хакта «Интерфакс»ка сылтама белән «Татар-информ» агентлыгы яза.
«Монда гаҗәпләнерлек берни дә юк - астрономия физика курсында укытыла иде, безнең уку әсбаплары бар, алар һәрвакыт федераль исемлектә булды. Физика укытучылары моңа әзер, алар инде физика фәне кысаларында түгел, әлеге курсларны астрономия итеп аерым алып барачак. Сәгатьләр буенча бернинди үзгәрешләр булмый», - диде Васильева Россия Мәгариф һәм фән министрлыгы утырышында.

Бер ел алдан Роскосмоста Россия Мәгариф һәм фән министрлыгыннан мәктәпләргә астрономияне кайтару турында сораганнар иде.