#Кыскача яңалыклар 14 октябрь 2022, 14:54

Мобилизацияләнгән биш хәрби һәлак булган

14 октябрь 2022, 14:54

Өлешчә мобилизация буенча Чиләбе өлкәсеннән хәрби хезмәткә чакырылган биш кеше һәлак булган, җирле хакимият аларның гаиләләренә һәркайсына берәр миллион сум түләячәк.

Скопировать ссылку

Бу хакта РИА Новости агентлыгы төбәкнең матбугат хезмәтенә сылтама белән хәбәр итә.

«Кызганыч ки, хәрби комиссариат Коркино хәрби комиссариатыннан чакырылган биш хәрбинең һәлак булуы турындагы мәгълүматны раслады. Туганнары белән бергә без дә кайгырабыз, ихлас күңелдән кайгы уртаклашу сүзләрен белдерәбез. Хәрбиләрнең туганнары һәм якыннарына кирәкле бөтен ярдәмне күрсәтәчәкбез», - диелә хәбәрдә.

Аларның кайда һәм кайчан һәлак булуы әйтелми.

Матбугат хезмәте мәгълүматлары буенча, якын арада хәрбиләрнең гаиләләренә федераль түләүләргә өстәмә рәвештә берәр миллион сум акча биреләчәк.

Чыганак - "Татар-информ"

Кызыклы яңалыкларны күзәтеп бару өчен Т елеграмга кушылыгыз.