Мәскәү мэры: "Татарстан - алдынгы төбәкләрнең берсе"

Мәскәү мэры Сергей Собянин Татарстан Президенты исеменә котлау телеграммасы юллаган. Бу хакта Президентның матбугат хезмәте хәбәр итә.

«Сезне һәм Татарстан халкын чын күңелемнән Татарстан Республикасы көне белән котлыйм, - диелә котлау телеграммасында. - Татарстан - икътисадта һәм социаль өлкәдә, шәһәрләрдә һәм авылларда уңай мохит булдыруда, үзенең инновацион потенциалын гамәлгә ашыруда югары нәтиҗәләргә ирешүче алдынгы төбәкләрнең берсе. Республика казанышлары - кыю планнарны һәм олы бурычларны гамәлгә ашырудан куркып тормаган хезмәт сөючән һәм талантлы кешеләренең тырышлыгы белән ирешелгән уңышлар».