Мәскәүдә Казан рәссамнәренең күргәзмәсе ачыла

Киләсе атнада Мәскәүдә Татарстан Республикасы Мәдәният министрлыгы, "Казан" Милли мәдәни үзәге,Татарстан Республикасы Фәннәр Академиясенең Галимҗан Ибраһимов исемендәге Тел, әдәбият һәм сәнгать институты булышлыгында Казан рәссамнәренең күргәзмәсе ачыла.

18нче мартта Мәскәүнең Беркатлы (наивный) сәнгать музеенда Казан рәссамы Виктор Тимофеевның "Сретение" дип аталган күргәзмәсе ачыла. "Сретение" иске славян теленнән "очрашу" һәм "шатлык" дип тәрҗемә ителә. Оста - тамашачыларга нәкъ менә шул хисләрне бүләк итәргә тели.

19нчы мартта Мәскәүнең Милләтләр йортында "Этник киңлек. Көнбатыш-Көнчыгыш" дип аталган күргәзмә ачыла, ул башкала халкын Казанның ике остасы - Ирик Мусин һәм Альфрид Шәймарданов иҗаты белән таныштырачак, дип хәбәр итә Казан Башкарма комитетының Мәдәният идарәсе.