МХОдан исән кайткан егет юл һәлакәтендә үлгән

Ефрейтор Артем Гыйльманов туган ягына кыска вакытлы ялга кайткан чакта авариядә һәлак булган.

Артем 2003 елның 29 сентябрендә Новопокровское авылында туган, 9 сыйныфка кадәр гимназиядә укыган. 2019 елда Күмертау педагогия көллиятенә укырга кергән. 18 яшендә армиягә алынган. 2021-2022 елларда Мәскәү өлкәсенең хәрби частьләренең берсендә хәрби хезмәт үткән. Махсус хәрби операция башланганнан соң Артем алдагы юлын хәрби хезмәт белән бәйләргә тели һәм 20 мартта РФ Оборона министрлыгы белән контракт төзи, дип яза Күгәрчен хәбәрләре.