#Кыскача яңалыклар 08 сентябрь 2022, 09:34

Әни кеше янгыннан кечкенә улын алып чыккан

08 сентябрь 2022, 09:34

Казанның Константиновка бистәсендәге Полевая урамында янгын чыгуы турында хәбәр 101 янгын сагы номерына кичә 18.36 сәгатьтә килгән.

Скопировать ссылку

Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Урында ут белән көрәшүчеләр ялкын телләре шәхси кирпеч йортның чарлагын һәм аскы катның бер өлешен ялмап алуын ачыклаган.

Янгын сүндерүчеләр килгәнче, хуҗабикә йорттан ике яшьлек улын урамга алып чыгып өлгергән.

20.50 сәгатьтә янгынны сүндергәннәр. Беркем дә зыян күрмәгән. Янгын электр җиһазын урнаштыру һәм аннан файдалану кагыйдәләрен бозу нәтиҗәсендә чыккан дип фаразлана.

Чыганак - "Татар-информ"

Кызыклы яңалыкларны күзәтеп бару өчен безнең МАХ каналына кушылыгыз.