#Кыскача яңалыклар 15 июнь 2022, 09:45

Путин ике татарстанлыга дәүләт бүләкләре тапшырды

15 июнь 2022, 09:45

Ике татарстанлы дәүләт бүләкләренә лаек булды. Россия Президенты Владимир Путин тиешле указга кул куйды, документ хокукый мәгълүматның рәсми интернет-порталында урнаштырылган.

Скопировать ссылку

«Янгындагы батырлык өчен» медале белән Татарстан Янгынга каршы хезмәтенең Тукай районы Биклән авылын саклау буенча аерым пост башлыгы Рамил Фәрдиев бүләкләнде.

"Исәпләү системаларының фәнни-җитештерү берләшмәсе" ҖЧҖ бүлеге башлыгы Виктор Грот, үз чиратында, Дуслык ордены белән билгеләп үтелде.

Элегрәк, «Татар-информ» хәбәр иткәнчә, Владимир Путин Алабуга дәүләт тарих-архитектура һәм сәнгать музей-тыюлыгы директоры Гөлзадә Руденкога Дәүләт Премиясен тапшырды.

Кызыклы яңалыкларны күзәтеп бару өчен безнең МАХ каналына кушылыгыз.

#Владимир Путин, Путин, Президент