#Кыскача яңалыклар 27 декабрь 2021, 12:17

Путин түләүләрне икеләтә арттырырга кушты. Кемнәргә?

27 декабрь 2021, 12:17

Россия финанслар министры Антон Силуанов ышандырганча, әлеге инициативага акча бар.

Скопировать ссылку

Россия финанслар министры Антон Силуанов ышандырганча, әлеге инициативага акча бар.

Россия Президенты Владимир Путин Министрлар Кабинетына Яңа ел бәйрәмендә коронавируслы пациентларны дәвалаучы медикларга түләүләрне икеләтә арттырырга йөкләде.

«Россия Хөкүмәтенә 2022 елда коронавирус инфекциясе диагнозын кую һәм дәвалау буенча медицина ярдәме күрсәтә торган оешмаларның медикларына һәм башка хезмәткәрләренә, ковид диагнозы куелган пациентлар белән элемтәдә булучыларга, социаль хезмәт күрсәтә торган стационар оешмада эшләүчеләргә махсус социаль түләүне бирүне дәвам итәргә», дип хәбәр итә Кремль сайтында чыккан документка сылтама белән РИА Новости.

Йөкләмәнең үтәлеше турындагы доклад 2021 елның 30 декабренә кадәр тапшырылырга тиеш. Бу эштә Министрлар Кабинеты башлыгы Михаил Мишустин җаваплы итеп билгеләнгән. 14 декабрьдә Россия финанслар министры Антон Силуанов ышандырганча, әлеге инициативага акча бар.

21 декабрьдә COVID-19 инфекциясенә каршы көрәш буенча координацион совет президиумында премьер сөйләгәнчә, хәзер коронавирус йоктыручыларга 300 меңгә якын табиб ярдәм итә, хакимият аларга ярдәм күрсәтергә тырыша. Соңгы өч айда хөкүмәт медицина хезмәткәрләренә социаль түләүләргә 50 миллиард сумнан артык акча юллаган.

Чыганак: Татар-информ

Кызыклы яңалыкларны күзәтеп бару өчен безнең МАХ каналына кушылыгыз.

Язмага реакция белдерегез

Реакция язылган инде

Комментарийлар

Без имени

0

0

Тотыналар инде икелэтэ кутэрэлэр нэрсэ караганнары барсын аларнын. Бетен авурыларны ковид диеп чыгаралар эшлэмилэр. Лучше рабочийларга кутэр 10000 мен зп билэн утыралар. Узегезне утыртасы иде 10000 гэ.

Без имени

0

0

Ковид белэн чирлэп яттым. Врачларнын берсенэ дэ кирэк тугелбез. Лечение дэ ала аомый яттым, кайда инде анда бушка дару алу.... Участковый врачка звонить итэм ул юк дилэр, бутеннэргэ звонить итэм акыртып бэрделэр, эт эткэ, эт койрыкка...эле тегесенэ звони, эле монсына звони....дилэр.