Путин яшь галимнәргә премияләр бирү турындагы указга кул куйды

Әйтик, катламнарның нефть бирүчәнлеген арттыру өчен акватермолиз катализаторларын уйлап чыгарганы өчен Казан федераль университетының фәнни хезмәткәре Ирек Мөхәммәтдинов Дәүләт башлыгыннан бүләк алуга иреште. П.П. Ширшов исемендәге океанология институтының әйдәп баручы фәнни хезмәткәре Александр Осадчиев Арктика диңгезләрендә океанология процессларын тикшерүдә ирешкән уңышлары өчен премия алды, бу Төньяк диңгез юлы акваториясендә хуҗалык эшчәнлеге өчен бик мөһим.

Шулай ук Санкт-Петербург дәүләт университеты доцентлары Ирина Тимофеева һәм Андрей Шишов сәнәгать, табигый һәм биомедицина объектларына инструменталь химик анализ ясау өчен материаллар һәм методлар эшләү өчен бүләкләр алды.