Радик Сәлаховтан сөенечле хәбәр

Радик Сәлахов бүген беренче тапкыр әти булды! Бу хәбәрне безгә иптәше өчен шатлыгы эченә сыймаган Муса Галләмов җиткерде. Танылган көрәшченең тормышы иптәше Алия бүген кыз бала тапкан. "Чаллыда тапты, бар да яхшы, Аллаһка шөкер!", дип шатлыгы белән уртаклашты әти кеше үзе. Инде бәбигә исем дә уйлап тапканнар, Раяна дип кушарга телибез, диде ШК хәбәрчесенә Радик. Ә көрәшче исә Түбән Камага ярышларга җыена. Бу атнада биредә Данил Галиев истәлегенә традицион турнир узачак.