Равил Галиевның малае әтисенең концертын алып барачак

Равил Галиевның балалары ярышларга әзерләнә.
- Менә, март аенда балалар белән бергә куячак концертның программасы һәм репертуары белән маташып утырам. Яңа җырлар тупланды, шуларны әкренләп репертуарга кертергә кирәк. Концертларны оештыру күп вакытны ала, шуңа күрә иҗатка вакыт бик аз кала. Яңа альбом яздыра башлаган идем, ул да ярты юлда калды әлегә. Өстәвенә, йорт төзи башладым. Кыскасы, бик күңелле! Балаларга килгәндә, Сәйдәш "Татар малае" шәһәр бәйгесенең финалына әзерләнеп йөри. Әминә "Татар кызы"на әзерләнә. Болардан тыш икесе дә "Йолдызлык"та конферансье номинациясендә финалда катнашалар. Үземнең концертта да алып баручының берсе улым Сәйдәш булачак, - диде Равил.