Республиканың дин әһелләре футбол уйнаячак

Бүген Татарстан мөселманнары Диния нәзарәте һәм Казан епархиясе Бөек Җиңүнең 70 еллыгына багышланган чаралар кысаларында дуслык футбол матчы уздыра. Матчта республиканың мөселман һәм христиан дини идарә вәкилләре командалары ярышачак. Татарстан мөфтие Камил хәзрәт Сәмигуллин да уенда катнашыр дип көтелә. Әлеге чара Казан епархиясе уку-укыту бинасының яңа спортзалында 19.00 сәгатьтә узачак.