#Кыскача яңалыклар 15 февраль 2022, 08:57

Рифат Фәттахов күңелле яңалык җиткерде

15 февраль 2022, 08:57

Р.Ваһапов фонды генераль директоры, танылган продюсер Рифат Фәттахов Татарстан Республикасы алдындагы казанышлары өчен ордены медале белән бүләкләнде.

Скопировать ссылку

Бу хактагы указны Татарстан Президенты Рөстәм Миңнеханов имзалаган. “Татар халкының мәдәниятен һәм гореф-гадәтләрен саклауга һәм үстерүгә зур өлеш кертүе, күпъеллык нәтиҗәле хезмәте өчен Татарстан Республикасының Рәшит Ваһапов исемендәге татар мәдәнгияте иҗтимагый фонды директоры Фәттахов Рифат Әхмәт улы Татарстан Республикасы алдындагы казанышлар өчен ордены медале белән бүләкләнә", — диелгән указда.

"Минем хезмәтемне күргән, бәяли белгән Татарстан Республикасы Президенты Рөстәм Нургалиевич Миңнехановка, мине бу дәрәҗәле бүләккә тәкъдим иткән Татарстан мәдәният министры Ирада Хафизҗановна Әюповага ихлас рәхмәтләремне юллыйм", - ди Рифат Фәттахов.

Кызыклы яңалыкларны күзәтеп бару өчен безнең МАХ каналына кушылыгыз.